OROZA

E Poe estaba americando e Poe levaba un bicho que saíra pola súa boca

E era Poe Poe Poe

Poe facendo ruídos coa auga

Poe bicando pola alma da praia

*

derradeiros versos de América dentro do Cabalum de Oroza

REGALO

Falo do fondo da noite

falo do fondo da escuridade

e do fondo da noite falo

Se ves a casa meu amor tráeme unha lámpada

e un fachal

dende onde poida mirar a leda travesía

Forugh Farrojzad, versos

Blutch, debuxo

MOSCAS

morta entre

as súas moscas mortas

unha liña de aire

arrola á araña

os versos de Beckett e a ilustración de Blutch do que podedes ver as obras que expón neste intre na Galerie Martel

O SAL

O sal engarza

un broche

nos paraísos

artificiais

o "Espello Cego Vivien" é de Douglas Gordon

VOLCANO

TRAS A PUBLICACIÓN DE "BAIXO O VOLCÁN"

O éxito é como un terrible desastre.

Peor que a túa casa ardendo, os ruídos do derribamento

Cando as vigas caen cada vez máis de présa

Mentras ti sigues alí, testemuña desesperada da túa condenación.

A fama coma un bébedo ensume a casa da alma

Revelando que traballaches só para iso

Ah, sen non sufrise o seu beixo traidor

E permanecese na escuridade para sempre, afundido e fracasado.

Volcano: an inquiry into the life and death of Malcolm Lowry é un excelente documental sobre o autor dirixido por Donald Brittain & Jon Kramer no ano 1976.

ESTRATEXIAS

Evitar as imaxes-dor.

Afastalas.

non abrir o abaixo. Alí,

o berro cada vez máis feble

Unha condensación do hálito.

Certa condescendencia

no irremediable. Non obstante,

coidar o aceno baixo o xeo.

Salvar o hálito e prolongalo.

A lucidez é fraxil.

a ilustración é de Élodie Durand e o poema de Chantal Maillard