I MOSTRA DE DANZA DE GALICIA

Aneis o 29 de abril, Día Internacional da Danza, ás 17.00 no Salón Teatro (Santiago de Compostela) dentro da I Mostra de Danza De Galicia

FOTOGRAMAS (IV)

Unha estela incrustada recorda
os novos aneis da acacia
que ó abrigo do nordés arquea
os dedos e percorre ríos subterráneos

FOTOGRAMAS (III)

Os obxectos fetiche instalados na memoria: a conservación do recordo nos amuletos.

Atobadas as mimosas abren os meus ollos durmidos

imaxes de Esther Taboada

FOTOGRAMAS (II)

Un fotograma é cada unha das imaxes impresionadas químicamente na tira de celuloide do cinematógrafo ou da película fotográfica. Cando visualizamos no cine unha secuencia a unha frecuencia de 24 por segundo aparece o movemento: unha ilusión.
Aneis é unha curta sobre os amuletos da memoria, sobre a repetición continua dos recordos en fotogramas de películas antigas.

imaxes de Esther Taboada

FOTOGRAMAS (I)

Nuns antigos estudios esquecidos
polos cristais das fiestras atopei
o meu corpo sen cor
na cámara de cinema

imaxes de Esther Taboada

A MECÁNICA DOS ANEIS

Borsalino de Emérita Mendez

A danza coma forma pensamento. En Aneis atópanse os recordos cos movementos e os obxectos cinguidos nas palabras. Hai accións que en certa forma son palabras ou que funcionan como elas dentro dos versos do poema... en Aneis intentouse "filmar" e "montar" a mecánica da memoria dun texto en movemento.

Destilada no aire
unha rama de mimosas
borda o meu vestido
entre plásticos pendurados
tinguindo as mans somnámbulas
en douradas colchas de liño